ਇਟੀਪੀਬੀ ਦੀ ਆਮਦਨ 5.65 ਅਰਬ ਰੁਪਏ ‘ਤੇ ਪਹੁੰਚੀ, ਸਾਲਾਨਾ ਵਾਧਾ ਨਵਾਂ ਇਤਿਹਾਸ ਬਣਾਉਂਦਾ
- ਅੰਤਰਰਾਸ਼ਟਰੀ
- 11 Jul, 2025 09:22 PM (Asia/Kolkata)
ਇਵੈਕਿਊ ਟਰਸਟ ਪ੍ਰਾਪਰਟੀ ਬੋਰਡ (ETPB) ਨੇ ਆਰਥਿਕ ਸਾਲ 2024–25 ਦੌਰਾਨ ਆਪਣੀ ਆਮਦਨ ਵਿੱਚ ਰਿਕਾਰਡ ਵਾਧਾ ਦਰਜ ਕਰਦਿਆਂ 5.65 ਅਰਬ ਰੁਪਏ ਇਕੱਠੇ ਕੀਤੇ ਹਨ, ਜੋ ਕਿ ਪਿਛਲੇ ਸਾਲ ਦੇ 4.72 ਅਰਬ ਰੁਪਏ ਨਾਲੋਂ 925 ਮਿਲੀਅਨ ਰੁਪਏ ਜ਼ਿਆਦਾ ਹਨ।
ਬੋਰਡ ਦੀ ਅਧਿਕਾਰਕ ਰਿਪੋਰਟ ਅਨੁਸਾਰ, ਕਿਰਾਏ, ਲੀਜ਼ ਅਤੇ ਰਿਕਵਰੀ ਸੈਕਟਰਾਂ ‘ਚ ਖਾਸ ਵਾਧਾ ਹੋਇਆ।
-
ਜ਼ਰ-ਏ-ਪੱਟਾ (ਕਿਰਾਏ ਦੀ ਕੈਟੇਗਰੀ): ₹695.8 ਮਿਲੀਅਨ
-
ਨੋਨ-ਰੀਫੰਡੇਬਲ ਡਿਪਾਜ਼ਿਟਸ (ਨੀਲਾਮ ਹੋਈ ਸੰਪਤੀਆਂ ਤੋਂ): ₹321.8 ਮਿਲੀਅਨ
-
ਮੌਜੂਦਾ ਕਿਰਾਏ ਦੀ ਆਮਦਨ: ₹2.32 ਅਰਬ
ਹਾਲਾਂਕਿ, ਪਿਛਲੇ ਸਾਲ ਨਾਲ ਤੁਲਨਾ ਕਰਦਿਆਂ ਬਕਾਇਆ ਕਿਰਾਏ ਦੀ ਰਿਕਵਰੀ ‘ਚ ₹555 ਮਿਲੀਅਨ ਦੀ ਘਾਟ ਆਈ।
ਖਰਚਿਆਂ ਵਿੱਚ ਵਾਧਾ:
-
1.13 ਅਰਬ ਰੁਪਏ ਘੱਟ ਗਿਣਤੀ ਧਰਮ ਸਥਾਨਾਂ ਦੀ ਮੁਰੰਮਤ ਅਤੇ ਵਿਦੇਸ਼ੀ ਹਿੰਦੂ-ਸਿੱਖ ਯਾਤਰੀਆਂ ਦੀ ਮਹਿਮਾਨਦਾਰੀ ‘ਤੇ ਖਰਚ ਕੀਤੇ ਗਏ।
-
ਗੁਰਦੁਆਰਾ ਜਨਮ ਅਸਥਾਨ (ਨਨਕਾਣਾ ਸਾਹਿਬ) ‘ਚ 100 ਕਮਰਿਆਂ ਵਾਲਾ ਨਵਾਂ ਰਿਹਾਇਸ਼ੀ ਕੰਪਲੈਕਸ ਬਣਾਇਆ ਗਿਆ
-
ਕਟਾਸ ਰਾਜ ਮੰਦਰ, ਗੁਰਦੁਆਰਾ ਡੇਰਾ ਸਾਹਿਬ ਅਤੇ ਗੁਰਦੁਆਰਾ ਪੰਜਾ ਸਾਹਿਬ ਦੀ ਮੁਰੰਮਤ
-
-
ਨੌਕਰੀਪੇਸ਼ਿਆਂ ਲਈ ਤਨਖਾਹਾਂ, ਪੈਨਸ਼ਨ ਤੇ ਭਤਿਆਂ ‘ਤੇ ₹2.05 ਅਰਬ ਰੁਪਏ ਖਰਚ ਹੋਏ; ਅਗਲੇ ਸਾਲ ਲਈ ₹2.384 ਅਰਬ ਦਾ ਅੰਦਾਜਾ ਲਾਇਆ ਗਿਆ ਹੈ
-
ਕਰਮਚਾਰੀਆਂ ਦੇ ਲੋਣ ਲਈ ₹225 ਮਿਲੀਅਨ ਵੱਖਰੇ ਰੱਖੇ ਗਏ ਹਨ।
ETPB ਦੇ ਸਕੱਤਰ ਮਿਸਟਰ ਫਰੀਦ ਇਕਬਾਲ ਨੇ ਕਿਹਾ ਕਿ ਮਾਲੀ ਟਾਰਗਟ ਹਾਸਲ ਕਰਨ ਲਈ ਪੂਰੀ ਕੋਸ਼ਿਸ਼ ਕੀਤੀ ਗਈ। ਉਨ੍ਹਾਂ ਨੇ ਚੇਅਰਮੈਨ ਡਾ. ਸਾਜਦ ਮਹਮੂਦ ਚੌਹਾਨ ਦੀ ਪ੍ਰਬੰਧਕੀ ਲੀਡਰਸ਼ਿਪ ਅਤੇ ਮਜ਼ਹਬੀ ਅਮੂਰ ਤੇ ਇੰਟਰਫੇਥ ਹਾਰਮੋਨੀ ਵਿਭਾਗ ਦੇ ਫੈਡਰਲ ਸਕੱਤਰ ਡਾ. ਸਈਦ ਅਤਾ ਉਰ ਰਹਮਾਨ ਦੀ ਹਦਾਇਤਾਂ ਦੀ ਭੂਮਿਕਾ ਨੂੰ ਸਰਾਹਿਆ।
Leave a Reply