ਜੀਐੱਮ ਅਜੇ ਨੰਦਨ ਨੇ ਮੁੱਖ ਮਹਿਮਾਨ ਵਜੋਂ ਕੀਤੀ ਸ਼ਿਰਕਤ, ਭੰਗੜਾ ਗਰੁੱਪ 'ਮੁੰਡੇ ਰੁੜਕੇ ਵਾਲੇ' ਦੀ ਪੇਸ਼ਕਾਰੀ 'ਤੇ ਝੂਮੇ ਦਰਸ਼ਕ

ਕਪੂਰਥਲਾ, 4 ਨਵੰਬਰ ਗੌਰਵ ਮੜੀਆ 

ਰੇਲ ਕੋਚ ਫੈਕਟਰੀ (RCF), ਕਪੂਰਥਲਾ ਦੇ ਸਾਹਿਬਜ਼ਾਦਾ ਅਜੀਤ ਸਿੰਘ ਇੰਸਟੀਚਿਊਟ (ਵਰਕਰ ਕਲੱਬ) ਵੱਲੋਂ ਕਰਵਾਏ ਗਏ ਤਿੰਨ ਰੋਜ਼ਾ '32ਵੇਂ ਸੱਭਿਆਚਾਰਕ ਦੀਵਾਲੀ ਮੇਲਾ-2026' ਦੀ ਅੱਜ 4 ਨਵੰਬਰ ਨੂੰ ਬਹੁਤ ਹੀ ਸ਼ਾਨਦਾਰ ਅਤੇ ਪ੍ਰਭਾਵਸ਼ਾਲੀ ਮਾਹੌਲ ਵਿੱਚ ਸਮਾਪਤੀ ਹੋ ਗਈ।

ਅੱਜ ਕਰਵਾਏ ਗਏ ਸਮਾਪਤੀ ਸਮਾਰੋਹ ਅਤੇ ਸੱਭਿਆਚਾਰਕ ਮਹਾਂਉਤਸਵ ਵਿੱਚ ਰੇਲ ਕੋਚ ਫੈਕਟਰੀ (RCF) ਦੇ ਮਹਾਪ੍ਰਬੰਧਕ (GM) ਸ਼੍ਰੀ ਅਜੇ ਨੰਦਨ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। ਮੁੱਖ ਮਹਿਮਾਨ ਸ਼੍ਰੀ ਅਜੇ ਨੰਦਨ ਜੀ ਨੇ ਵਰਕਰ ਕਲੱਬ ਵੱਲੋਂ ਆਰਸੀਐੱਫ ਦੇ ਕਰਮਚਾਰੀਆਂ ਅਤੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਦੇ ਮਨੋਰੰਜਨ ਅਤੇ ਸੱਭਿਆਚਾਰਕ ਵਿਕਾਸ ਲਈ ਕਰਵਾਏ ਗਏ ਇਸ 32ਵੇਂ ਸੱਭਿਆਚਾਰਕ ਦੀਵਾਲੀ ਮੇਲੇ ਦੇ ਸਫ਼ਲ ਅਤੇ ਸ਼ਾਨਦਾਰ ਆਯੋਜਨ ਦੀ ਭਰਪੂਰ ਸ਼ਲਾਘਾ ਕੀਤੀ। ਉਨ੍ਹਾਂ ਕਿਹਾ ਕਿ ਅਜਿਹੇ ਸੱਭਿਆਚਾਰਕ ਸਮਾਗਮ ਆਰਸੀਐੱਫ ਪਰਿਵਾਰ ਵਿੱਚ ਆਪਸੀ ਏਕਤਾ, ਉਤਸ਼ਾਹ ਅਤੇ ਸੱਭਿਆਚਾਰਕ ਸਾਂਝ ਨੂੰ ਹੋਰ ਮਜ਼ਬੂਤ ਕਰਦੇ ਹਨ।

ਸਮਾਰੋਹ ਉਪਰੰਤ ਵਰਕਰ ਕਲੱਬ ਦੇ ਮਾਨਯੋਗ ਸਕੱਤਰ ਸ਼੍ਰੀ ਭਰਤ ਰਾਜ ਨੇ ਜਾਣਕਾਰੀ ਸਾਂਝੀ ਕਰਦਿਆਂ ਕਿਹਾ, “ਅੱਜ 4 ਨਵੰਬਰ ਦੀ ਸ਼ਾਮ ਮੇਲੇ ਦਾ ਸਮਾਪਤੀ ਦਿਵਸ ਬਹੁਤ ਹੀ ਜੋਸ਼ੀਲੇ ਅਤੇ ਯਾਦਗਾਰ ਮਾਹੌਲ ਵਿੱਚ ਸੰਪੰਨ ਹੋਇਆ। ਅੱਜ ਦੇ ਸੱਭਿਆਚਾਰਕ ਮਹਾਂਉਤਸਵ ਦਾ ਮੁੱਖ ਆਕਰਸ਼ਣ 'ਮੁੰਡੇ ਰੁੜਕੇ ਵਾਲੇ' ਭੰਗੜਾ ਗਰੁੱਪ ਦੀ ਧਮਾਕੇਦਾਰ ਪੇਸ਼ਕਾਰੀ ਰਹੀ, ਜਿਸ ਨੇ ਪੂਰੇ ਵਰਕਰ ਕਲੱਬ ਕੰਪਲੈਕਸ ਨੂੰ ਜੋਸ਼ ਅਤੇ ਉਤਸ਼ਾਹ ਨਾਲ ਭਰ ਦਿੱਤਾ। ਇਸ ਦੇ ਨਾਲ ਹੀ ਆਰਸੀਐੱਫ ਕਰਮਚਾਰੀਆਂ ਦੇ ਪ੍ਰਤਿਭਾਸ਼ਾਲੀ ਪਰਿਵਾਰਕ ਮੈਂਬਰਾਂ ਵੱਲੋਂ ਪੇਸ਼ ਕੀਤੇ ਗਏ ਲੋਕ ਨਾਚ ਅਤੇ ਸੱਭਿਆਚਾਰਕ ਪ੍ਰੋਗਰਾਮਾਂ ਨੇ ਦਰਸ਼ਕਾਂ ਦਾ ਦਿਲ ਜਿੱਤ ਲਿਆ। ਅਸੀਂ ਮੁੱਖ ਮਹਿਮਾਨ ਜੀਐੱਮ ਸ਼੍ਰੀ ਅਜੇ ਨੰਦਨ ਜੀ ਦਾ ਉਨ੍ਹਾਂ ਦੀ ਮਾਣਮੱਤੀ ਹਾਜ਼ਰੀ ਅਤੇ ਪ੍ਰੇਰਨਾਦਾਇਕ ਸ਼ਬਦਾਂ ਲਈ ਵਿਸ਼ੇਸ਼ ਤੌਰ 'ਤੇ ਧੰਨਵਾਦ ਕਰਦੇ ਹਾਂ।”

ਵਰਕਰ ਕਲੱਬ ਦੇ ਪ੍ਰਧਾਨ ਸ਼੍ਰੀ ਕਮਲ ਕੁਮਾਰ (CWE Furnishing) ਅਤੇ ਮਾਨਯੋਗ ਸਕੱਤਰ ਸ਼੍ਰੀ ਭਰਤ ਰਾਜ ਨੇ ਤਿੰਨ ਦਿਨਾਂ ਤੱਕ ਚੱਲੇ ਇਸ ਸੱਭਿਆਚਾਰਕ ਮਹਾਂਕੁੰਭ ਨੂੰ ਸਫ਼ਲ ਬਣਾਉਣ ਲਈ ਸਮੂਹ ਆਰਸੀਐੱਫ ਨਿਵਾਸੀਆਂ, ਮੀਡੀਆ ਪ੍ਰਤੀਨਿਧੀਆਂ, ਕਲਾਕਾਰਾਂ ਅਤੇ ਪ੍ਰਬੰਧਕੀ ਕਮੇਟੀ ਦੇ ਮੈਂਬਰਾਂ ਦਾ ਦਿਲੋਂ ਧੰਨਵਾਦ ਕੀਤਾ।