ਜੂਨ 2026 ਤੱਕ ਪਾਕਿਸਤਾਨ ਰੇਲਵੇ ‘ਸਮਾਰਟ ਸਟੇਸ਼ਨ’ ਸ਼ੁਰੂ ਕਰੇਗੀ
ਲਾਹੌਰ (ਨਜ਼ਰਾਨਾ ਟਾਈਮਜ਼)
ਪਾਕਿਸਤਾਨ ਰੇਲਵੇ ਨੇ ਵੱਡੀ ਡਿਜ਼ੀਟਲ ਤਬਦੀਲੀ ਦਾ ਐਲਾਨ ਕਰਦਿਆਂ ਕਿਹਾ ਹੈ ਕਿ ਜੂਨ 2026 ਤੱਕ ਦੇਸ਼ ਦੇ ਮੁੱਖ ਰੇਲਵੇ ਸਟੇਸ਼ਨਾਂ ਨੂੰ ਪੂਰੀ ਤਰ੍ਹਾਂ “ਸਮਾਰਟ ਸਟੇਸ਼ਨ” ਵਿੱਚ ਤਬਦੀਲ ਕੀਤਾ ਜਾਵੇਗਾ। ਇਸ ਮਹੱਤਵਾਕਾਂਕਸ਼ੀ ਯੋਜਨਾ ਦਾ ਮਕਸਦ ਯਾਤਰੀਆਂ ਨੂੰ ਆਧੁਨਿਕ, ਸੁਵਿਧਾਜਨਕ ਅਤੇ ਭਰੋਸੇਯੋਗ ਸੇਵਾਵਾਂ ਪ੍ਰਦਾਨ ਕਰਨਾ ਹੈ।
ਨਵੀਂ ਯੋਜਨਾ ਤਹਿਤ ਸਟੇਸ਼ਨਾਂ ‘ਤੇ ਇਕਜੁੱਟ ਡਿਜ਼ੀਟਲ ਟਿਕਟਿੰਗ ਪ੍ਰਣਾਲੀ, ਰੀਅਲ-ਟਾਈਮ ਆਟੋਮੈਟਿਕ ਯਾਤਰੀ ਜਾਣਕਾਰੀ ਡਿਸਪਲੇਅ ਅਤੇ ਅਧੁਨਿਕ ਸਮਾਰਟ ਨਿਗਰਾਨੀ ਸਿਸਟਮ ਲਗਾਏ ਜਾਣਗੇ। ਇਸ ਤੋਂ ਇਲਾਵਾ ਵੈਟਿੰਗ ਏਰੀਆਜ਼ ਦੀ ਨਵੀਨੀਕਰਨ, ਯਾਤਰੀ ਸੁਵਿਧਾਵਾਂ ਵਿੱਚ ਸੁਧਾਰ ਅਤੇ ਓਪਰੇਸ਼ਨਲ ਪ੍ਰਣਾਲੀ ਨੂੰ ਹੋਰ ਪ੍ਰਭਾਵਸ਼ਾਲੀ ਬਣਾਇਆ ਜਾਵੇਗਾ।
ਪਾਕਿਸਤਾਨ ਰੇਲਵੇ ਦੇ ਸੀਨੀਅਰ ਅਧਿਕਾਰੀਆਂ ਨੇ ਇਸ ਕਦਮ ਨੂੰ ਦੇਸ਼ ਦੀ ਪੁਰਾਣੀ ਰੇਲ ਢਾਂਚੇ ਦੀ ਅਧੁਨਿਕਤਾ ਵੱਲ ਇੱਕ ਵੱਡੀ ਛਾਲ ਕਰਾਰ ਦਿੱਤਾ ਹੈ। ਉਨ੍ਹਾਂ ਮੁਤਾਬਕ, ਇਸ ਨਾਲ ਉਡੀਕ ਸਮਾਂ ਘਟੇਗਾ, ਪਾਰਦਰਸ਼ਤਾ ਵਧੇਗੀ, ਸੁਰੱਖਿਆ ਮਜ਼ਬੂਤ ਹੋਵੇਗੀ ਅਤੇ ਪ੍ਰਬੰਧਨ ਹੋਰ ਸੁਚੱਜਾ ਬਣੇਗਾ।
ਆਵਾਜਾਈ ਮਾਹਿਰਾਂ ਦਾ ਕਹਿਣਾ ਹੈ ਕਿ ਸਮਾਰਟ ਸਟੇਸ਼ਨ ਸਿਰਫ਼ ਡਿਜ਼ੀਟਲ ਸਕ੍ਰੀਨਾਂ ਜਾਂ ਆਨਲਾਈਨ ਟਿਕਟਾਂ ਤੱਕ ਸੀਮਿਤ ਨਹੀਂ ਹਨ, ਸਗੋਂ ਇਹ ਡਾਟਾ-ਅਧਾਰਿਤ ਪ੍ਰਣਾਲੀ ਰਾਹੀਂ ਸਮੇਂ ਦੀ ਪਾਬੰਦੀ, ਸਰੋਤਾਂ ਦੀ ਸਹੀ ਵਰਤੋਂ ਅਤੇ ਯਾਤਰੀਆਂ ਦੇ ਭਰੋਸੇ ਨੂੰ ਮਜ਼ਬੂਤ ਕਰੇਗੀ। ਇਹ ਯੋਜਨਾ ਪਾਕਿਸਤਾਨ ਨੂੰ ਅੰਤਰਰਾਸ਼ਟਰੀ ਰੇਲਵੇ ਅਧੁਨਿਕਤਾ ਦੇ ਰੁਝਾਨਾਂ ਨਾਲ ਜੋੜਦੀ ਹੈ।
ਸਮਾਰਟ ਸਟੇਸ਼ਨਾਂ ਦੀਆਂ ਮੁੱਖ ਵਿਸ਼ੇਸ਼ਤਾਵਾਂ:
• ਡਿਜ਼ੀਟਲ ਟਿਕਟਿੰਗ ਅਤੇ ਈ-ਟਿਕਟ ਪ੍ਰਣਾਲੀ
• ਲਾਈਵ ਯਾਤਰੀ ਜਾਣਕਾਰੀ ਡਿਸਪਲੇਅ
• ਏਆਈ-ਅਧਾਰਿਤ ਸੀਸੀਟੀਵੀ ਨਿਗਰਾਨੀ
• ਨਵੀਂ ਵੈਟਿੰਗ ਲਾਊਂਜ, ਸਾਫ਼ ਸੌਚਾਲੇ, ਮੁਫ਼ਤ ਵਾਈ-ਫਾਈ ਅਤੇ ਚਾਰਜਿੰਗ ਸਟੇਸ਼ਨ
ਇਹ ਪ੍ਰੋਜੈਕਟ ਪਾਕਿਸਤਾਨ ਦੀ ਡਿਜ਼ੀਟਲ ਪਬਲਿਕ ਇਨਫ੍ਰਾਸਟਰੱਕਚਰ ਨੀਤੀ ਦਾ ਮਹੱਤਵਪੂਰਨ ਹਿੱਸਾ ਮੰਨਿਆ ਜਾ ਰਿਹਾ ਹੈ। ਸ਼ੁਰੂਆਤ ਲਾਹੌਰ, ਕਰਾਚੀ ਅਤੇ ਰਾਵਲਪਿੰਡੀ ਵਰਗੇ ਵੱਡੇ ਸ਼ਹਿਰਾਂ ਤੋਂ ਕੀਤੀ ਜਾਵੇਗੀ।
ਯਾਤਰੀਆਂ ਵੱਲੋਂ ਇਸ ਐਲਾਨ ‘ਤੇ ਸਕਾਰਾਤਮਕ ਪ੍ਰਤੀਕਿਰਿਆ ਸਾਹਮਣੇ ਆਈ ਹੈ। ਕਈ ਯਾਤਰੀਆਂ ਦਾ ਕਹਿਣਾ ਹੈ ਕਿ ਜੇ ਇਹ ਯੋਜਨਾ ਸਫ਼ਲ ਰਹੀ ਤਾਂ ਰੇਲ ਯਾਤਰਾ ਕਾਫ਼ੀ ਆਸਾਨ ਅਤੇ ਭਰੋਸੇਯੋਗ ਬਣ ਜਾਵੇਗੀ।
Posted By: Ali Imran Chattha